*Isang suntok pa, magang maga na ang mga kamao ng babaeng nakita ko nung isang gabi. Habang tumutulo ang mga luhang matagal ng pinipigilan ay sinasambit niya ang mga salitang lalong nagpapagalit sa kanya, "tangina mo! tangina mo! mamatay ka na, wala ka nang ginawang tama sa buhay mo!". Mga salitang sinasabi niya para rin sa kanyang sarili, ang galit na hindi na natanggal simula ng kaganapan na sumira sa imahe niya, na dahil dun natapos ang lahat, ang lahat ng pinapangarap niya. Nasa madilim na kwarto at hindi pa rin mapakali ang mga kamao at lalong lalo na ng buoong katawan nito na nais patayin ang sarili o kung hindi man ay ang makipagbasag ulo sa labas ng kanyang maliit na tiraan.

Hindi pa rin maalis ang galit na nararamdaman niya para sa sarili, isang sapak pa, sinuntok niya ang pader, pader na walang kalaban laban, nanginginig at pinagpapawisan, umupo siya at nag isip, bigla naman niyang sinapak ang kanang pisngi niya, isa pa, lalong lumalakas sa kada sapak, sinuntok naman niya ang kabilang pisngi upang maramdaman ang pantay ng sakit sa mukha. Naisipan niyang suntukin ang sariling tiyan hanggang sa mamula na ito at masuka, sinuntok pati ang mga hita na matapos niyang gawin ay nagtamo ito ng mga pasang nangigitim, mga galit na pasa. Nais niyang sumigaw, nais niyang kunin ang balisong na nakatago sa paborito niyang bag, nais niyang itusok ito sa gilid ng kanyang katawan, nais niyang pahirapan ang sarili dahil sa kasalanan na sumira sa lahat.



Sumikat si haring araw, nagising siya ng umiiyak at walang gana, nagalit lalo sa kadahilanang nagising pa siya, naalala niyang may kailangan siyang gawin ng mga oras na iyon... Pero hindi pa rin siya bumangon at hinayaan na lumipas ang oras, oras na dapat kasama ang kanyang mahal, "asan ako?" tanong sa sarili, "asan siya?" isa pang tanong sa sarili. Nahimasmasan siya at umupo sa maliit na kama na may patak ng mga luha, pumikit siya....biglang may tumulo galing sa kanyang mga mata.. lalong umiyak ito ng maisip ang nangyare, humagod ang kanyang kamay sa ulo at sinusubukang pakalmahin ang sarili sa nararamdaman nanaman nitong galit. Huminga siya ng malaliim at sabay tumayo. Humarap siya sa salamin at biglang sinuntok ang malawak na salamin, dugo ang umagos sa mga kamao niyang namamaga pa rin. Wala na siya sa sarili, hindi na din makapagisip ng susunod na gagawin. Sumigaw. Sumapak. Maglakad. Mamatay. "Asan siya?"